Kufizimet e Covid-19 mbyllin resortet e skive, krybashkiaku: Është prekur shëndeti mendor i njerëzve!

Ashtu si vendpushimet e tjera të skive franceze, qyteti alpin i Chatel është detyruar të mbyllë ashensorët e tij gjatë periudhës së Krishtlindjes si pjesë e masave më të ashpra të qeverisë për të frenuar koronavirusin. Kryebashkiaku i Chatel, Nicolas Rubin ka vendosur flamuj zvicerianë në dritaret e bashkisë për një javë në shenjë proteste. “Sigurisht që ne jemi të shqetësuar, sepse përtej mbylljes së vendpushimit të skive, morali dhe shëndeti mendor i njerëzve kanë filluar të preken”,  tha ai. Shefi i turizmit të Chatel, tha se pushimet e fundvitit gjeneruan normalisht një të pestën e xhiros së sezonit të dimrit.