Joe Biden vulos fitoren: Zgjidhet President i 46-të i SHBA-së

Shtetet e Bashkuara të Amerikës kanë tanimë një president të ri dhe ai është zyrtarisht Joe Biden. Anëtarët e Kolegjit Elektoral miratuan dje rezultatin e zgjedhjeve presidenciale të 3 nëntorit. Biden e kaloi pragun prej 270 votash elektorale  të nevojshme për të siguruar presidencën. “Unë do të jem një president për të gjithë amerikanët. Ne duhet të punojmë së bashku,  t’i japim njëri-tjetrit një shans për të ulur tonet dhe mbi të gjitha ne duhet të mbështetemi fort  në solidaritet”, tha presidenti i zgjedhur Joe Biden.