Hyjnë në fuqi rregullat e reja, 3 kushtet që duhet të plotësojnë ata që vijnë në Shqipëri
Written by Radio Travel on 06/09/2021
Duke filluar nga dita e sotme, sikurse ishte njoftuar edhe më herët nga Komiteti Teknik i Ekspertëve, asnjë qytetar shqiptar apo i huaj nuk mund të futet brenda territorit pa vërtetuar që nuk është i infektuar me koronavirus.
Qytetarët të cilët hyjnë në Republikën e Shqipërisë nga të gjitha pikat kufitare duhet të kenë pasaportën e vaksinimit, ku nga data e vaksinimit të plotë të kenë të paktën dy javë, testin PCR negativ brenda 72 orëve ose provë të kalimit të infeksionit Sars-Cov2, të vlefshme deri në 6 muaj pas shërimit. Këto rregulla janë të vlefshme edhe për ata qytetarë të cilët kalojnë tranzit në Shqipëri. Fëmijët deri në 6 vjeç nuk i nënshtrohen këtyre rregullave./radiotravel.al