Greqia në shtetrrethim për një javë, këto janë masat e qeverisë greke

Shkollat në Greqi sikurse në Shqipëri do të rihapen më 11 janar. Rifillimi gradual i aktivitetit ekonomik dhe shoqëror do të drejtohet nga të dhënat epidemiologjike dhe gjithmonë në përputhje me masat e mbrojtjes të kërkuara nga rrethanat. Vendimi u bë i ditur nga zëdhënësi i qeverisë greke, Stelios Petsas. Greqia do të vazhdojë të mbetet në shtetrrethim për një javë dhe kjo do të thotë se nuk do të lejohet lëvizja nga ora 21:00 e mbrëmjes deri në 05:00 të mëngjesit, me përjashtim të punonjësve të shëndetësisë dhe njerëzve që kanë nevojë për ndihmë mjekësore.