Edhe Shqipëria së shpejti pjesë e sistemit digjital të çertifikatave të vaksinimit!

Written by on 25/08/2021

Certifikata digjitale e vaksinimit kundër COVID është në funksionim brenda BE nga 1 korriku. Vendet anëtare të Bashkimit Europian e njohin këtë certifikatë dhe qytetarët e pajisur me të mund të udhëtojnë të lirë. Por vendet e Ballkanit kanë qenë të përjashtuara deri më tani.

Para dy ditësh BE futi në sistemin e saj edhe certifikatat digjitale të lëshuara nga Maqedonia e Veriut, Turqia dhe Ukraina. Kosova ka pasur një specifikë, sepse ka dhënë për qytetarët e saj vetëm vaksinat e njohura nga BE. Shqipëria, e cila ka përdorur si vaksinën kineze, por edhe ato të njohura nga BE si BioNTech apo AstraZeneca nuk është ende pjesë e sistemit të certifikatës digjitale COVID të BE. Por kjo pritet të ndryshojë së shpejti. Një zëdhënëse e Komisionit Europian, ka deklaruar se ata po mbajnë me të gjitha vendet takime të verifikimit të mundësive dhe procesi është në vazhdim,ndaj pritet që së shpejti të shohim vende të tjera të futen në sistem.

Radio Travel.al


Current track

Title

Artist

Background