Dekretohet emergjenca klimatike,Europa ndez alarmin!

Parlamenti Europian ka dekretuar të enjten emergjencën klimatike dhe mjedisore, një votim simbolik për mbajtjen e presionit ndaj drejtuesve të Bashkimit Europian. Rezoluta është propozuar nga grupi parlamentar liberal një javë më parë, për shkak të rritjes së vazhdueshme të temperaturave globale dhe emetimeve të gazeve serrë si dhe ngjarjet ekstreme të motit në të gjithë Europën. Eurodeputetët në qytetin francez të Strasburgut do të votojnë gjithashtu një rezolutë, që i bën thirrje Komisionit të ri Europian të rrisë objektivin e reduktimit të emetimeve 2030 në 55%.