Brunilda Hoxha, shqiptarja me kompani dizanjimi për markat e luksit në Bolognia

E ftuar mëngjesin e sotëm në “Boeing 104.6” në Premium Channel dhe Radio Travel ishte dhe Brunilda Hoxha, shqiptarja që ka një kompani të sajën që merret me dizanjimin e markave të mëdha të modës, e deri tek dizanji i makinave. Ajo është transferuar në Itali që në moshën 8 vjeçare, kur familja e saj la Durrësin. Ka përfunduar studimet për “Economia aziendale dhe në “Economia professionale”. Prej shumë vitesh punon në kompaninë që ka me të shoqin e saj Italian,  ku merren specifikisht me markat e luksit si: Prada, Valentino, Hermes, Louis Vuitton, Stefano Ricci Brioni si dhe ka bërë dizanjimin e një prototipi të Lamborginit. Për punët e saj përdor materialet më të mira që ka në treg, pasi për Brunildën, cilësia është mbi çdo gjë!