Britania, i pari vend në botë që miraton zyrtarisht vaksinën kundër koronavirusit!

Mbretëria e Bashkuar është bërë vendi i parë në botë që ka miratuar vaksinën kundër koronavirusit. Ministri Britanik i Shëndetësisë Matt Hancock ka njoftuar sot se autoritetet mjekësore kanë miratuar vaksinën e kompanive Pfizer dhe BioNTech. Mendohet se vaksinimi ndaj popullatës do të fillojë javën e ardhshme. Fillimisht do të nisë nga të moshuarit dhe përkujdesësit e tyre, tek punonjësit në shëndetësi e më pas tek pjesa tjetër e popullatës.