Bota përballë dimrit të ftohtë, Australia përgatitet për temperatura mbi 50 gradë celsius!

Ndërsa një pjesë e botës pret të përballet me të ftohtin e acartë, në Australi ndodh krejtësisht e kundërta. Temperaturat gjatë kësaj fundjave do të shkojnë mbi 50 gradë celsius, kurse vala e të nxehtit do të godasë qytetet kryesore të vendit. Sipas ekspertëve njerëzit duhet të tregohen të kujdesshëm për shëndetin e tyre dhe të kenë ujin si aleatin më të mirë. “Fokusi i valës së nxehtit do të jetë në pjesën jugore të Australisë, Victoria dhe New South Wales”, u shpreh Din Maramor, ish-meteorolog në Australi.