Berlini planifikon mbylljen, kryebashkiaku: “Mënyra e vetme për të kontrolluar pandeminë”!

Rritja e ndjeshme e infektimeve me Covid-19 në Gjermani, po detyron Berlinin të mbyllet për të marrë nën kontroll pandeminë e koronavirusit. Kryebashkiaku i Berlinit, Michael Müller, tha se do të kërkonte miratimin e parlamentit të qytetit të martën e ardhshme për të mbyllur dyqanet përveç supermarketeve deri në 10 janar. Gjithashtu ai kërkon të zgjasë pushimin e shkollave dhe zhvendosjen e mësimit online për një javë. Vendi ka qenë në bllokim të pjesshëm për gjashtë javë, me bare dhe restorante të mbyllura, por dyqane dhe shkolla të hapura.