BE vazhdon presionin ndaj Belgjikës: Jepini fund ndalimit të udhëtimeve!
Written by Radio Travel on 23/03/2021
Komisioni Evropian vazhdon të bëjë presion tek autoritetet belge për t’i dhënë fund ndalimit jo-thelbësor të udhëtimit aktualisht në fuqi në Belgjikë, vendim i cili pritet të skadojë në 18 prill. Komisioneri Evropian i Drejtësisë Didier Reynders, në një bisedë me Ministrin e Brendshëm të Belgjikës Annelies Verlinden, theksoi se autoritetet belge duhet të respektojnë politikat e lëvizjes së lirë të njerëzve në BE.
Gjithsesi Belgjika ende nuk ka marrë një vendim zyrtar lidhur me këtë çështje, për shkak të shqetësimeve lidhur me mutacionet të reja të COVID-19 në të gjithë Evropën dhe më tej në botë./radiotravel.al