Apple nuk do të ketë trajtim të veçantë për tarifat doganore

Donald Trump paralajmëroi sot se “Apple” nuk do të përfitojë nga një trajtim i veçantë në lidhje me tarifat doganore, duke nxitur gjigantin amerikan të prodhojë në SHBA nëse nuk do që të vuajë nga lufta tregtare me Kinën.“Apple nuk do të përfitojë nga asnjë ulje tarifash dhe nga asnjë përjashtim për pjesët e Mac Pro që prodhohen në Kinë. Prodhojini ato në SHBA dhe nuk keni tarifa!”, shkruan në “Twitter” presidenti amerikan.Gazeta prestigjioze “Wall Street Journal” theksonte se “në fund të qershorit Apple kishte vendosur të transferonte prodhimin e njërit prej kompjuterëve, modelin e ri të Mac Pro, nga SHBA-ja drejt Kinës”.