A i dobësoi pandemia fuqinë e pasaportave?

Lëvizshmëria ndërkombëtare është rikthyer në vetëm 12 përqind të niveleve para-pandemike e cila tregon se udhëtimet ndërkombëtare vazhdojnë të pengohen thellësisht. Megjithatë sipas raportit të Indeksit të Pasaportave Henley, bazuar në të dhënat e Shoqatës Ndërkombëtare të Transportit Ajror (IATA), Japonia vazhdon të ketë pasaportën më të fuqishme në të gjithë botën, me mundësi lëvizjeje pa viza në 193 vende të botës.

Singapori mbetet në vendin e dytë, ndërsa Koreja e Jugut dhe Gjermania vazhdojnë të ndajnë vendin e tretë./radiotravel.al