25 vendet më të mira për t’u vizituar në 2021 sipas National Geographic

Edhe këtë vit  “National Geographic” ka publikuar listën e 25 vendeve më të mira për t’u vizituar në 2021. “Dream now, go later”, pra “Ëndërro tani, shko më vonë”,  është slogani i zgjedhur për të prezantuar listën e përvitshme të destinacioneve më të mira të udhëtimit. Vendet e propozuara nga ekspertët ndahen në disa kategori: Vendet për qendrueshmëri, udhëtime për familjen, për aventurë, vende të egra dhe destinacionet për kulturë dhe histori. Kopenhagen, ishulli Guam dhe rajoni Svaneti në Gjeorgji mbeten 3 nga propozimet kryesore.  “Tani është momenti i duhur për të zbuluar diçka të re për një vend apo një kulturë të jashtëzakonshme në botë dhe ndoshta për të ëndërruar për udhëtimin e ardhshëm, kur të vijë momenti”, shprehet George Stone, drejtues ekzekutiv i National Geographic Traveler.