Taksimi i ri për kompanitë gjigande të internetit

Fuqitë më të mëdha ekonomike të botës kanë kërkuar të vendoset një taksë më e drejtë për gjigandët e internetit si Google dhe Facebook. Kjo kërkesë është bërë pas mbledhjes në Japoni të ministrave të financës së SHBA, Kinës ,Francës dhe Britanisë së Madhe. Varianti i taksimit të propozuar për kompanitë teknologjike do të jetë sipas vendit ku bëjnë shitje ose ofrojnë shërbime dhe jo ku kanë selitë e tyre. Ky vendim do të jetë edhe në favor të qytetarëve të cilët deri tani kanë paguar taksa, kur vetë këto kompani përdorin skema evasive.