Shqiptarët e paguajnë nga xhepi i tyre shëndetin. Një skemë e re për sigurimet shëndetësore!

Shqiptarët e paguajnë nga xhepi i tyre shëndetin. Të dhënat e studimit të fundit të institutit “Legatum” përsa i përket indeksit të prosperitetit në vendet e Europës Qendrore dhe Lindore kanë treguar se 60% e shqiptarëve e paguajnë nga xhepi i tyre sigurimin shëndetësor. Vendi ynë është i pari në këtë drejtim duke mos patur as rival me të cilin të krahasohet. Në vendet e Europës Qendrore, norma bie ndjeshëm nën 60% e deri në 40% në Slloveni.Mesatarja  e Bashkimit Europian fiksohet rreth masës 20%.Skemat qeveritare të shëndetit mbulojnë rreth 10% të shpenzimeve për shëndetin. Në Shqipëri nuk zë vend sigurimi vullnetar i qytetarëve.