Rikthehet “Kala Festival”  në Dhërmi!

Festivali ndërkombëtar muzikor”Kala Festival” rikthehet në vitin e dytë në Dhërmi. Festivali do të jetë për dy javë në brigjet e Dhërmiut.  Mbi 5 mijë të huaj kanë prerë biletën për të qenë në Dhërmi gjatë dy javëve të festivalit por edhe qindra vizitorë të vendit. Festivali përtej promovimit turistik do të sjellë kontribut të lartë financiar për komunitetin e zonës. Planet parashikojnë se vitin që vjen do të organizohen 4 festivale në brigjet e Dhërmiut. Menaxheri i festivalit Alan Crofton ka vlerësuar ftesën për tu rikthyer për të dytin vit radhaz, duke theksuar se pjesëmarrja do të jetë shumë herë më e madhe se një vit më parë.