Për herë të dytë radhazi, Mynihu anulon tregun e Krishtlindjeve!
Written by Radio Travel on 19/11/2021
Mynihu është bërë qyteti i parë i madh gjerman që ka anuluar tregun e ardhshëm të Krishtlindjeve, i cili zakonisht tërheq rreth tre milionë vizitorë, duke fajësuar rigjallërimin “dramatik” të koronavirusit. Kryebashkiaku i Mynihut Dieter Reiter e quajti atë “lajm të hidhur” për banorët dhe pronarët e tezgave të qytetit, por tha se do të ishte e papërgjegjshme që ngjarja të vazhdonte.
“Situata dramatike në spitalet tona dhe shifrat në rritje eksponenciale të infeksionit nuk më lënë zgjidhje tjetër: për fat të keq, tregu i Krishtlindjeve në Mynih nuk mund të zhvillohet këtë vit,” tha Reiter në një deklaratë. Tregu i famshëm “Christ Child Market” në Mynih do të hapej më 22 nëntor./radiotravel.al