Meksikanët më punëtorët në botë, ndërsa gjermanët punojnë më pak!

Written by on 15/03/2019

Meksikanët më punëtorët në botë, ndërsa gjermanët punojnë më pak!

Sipas Organizatës për Bashkëpunim dhe Zhvillim Ekonomik (OECD), Meksika, Kosta Rika dhe Koreja Jugut, renditen në krye të vendeve ku njerëzit punojnë më shumë orë, ndërsa Gjermania, Danimarka dhe Norvegjia janë vendet ku punohet më pak orë.
Analiza merr në konsideratë numrin total të orëve të punës gjatë vitit dhe e ndan atë me numrin mesatar të njerëzve të punësuar. Ajo përfshin orarin e rregullt të punonjësve me kohë të plotë, kohë të pjesshme, orët e punës të paguara dhe të papaguara dhe orët e punës shtesë. Punonjësit në Gjermani punojnë mesatarisht 900 orë më pak se ata në Meksikë. Kjo krahasohet me mesataren e vendeve të OECD 1,744 orë, të Shteteve të Bashkuara të Amerikës 1,780 orë dhe Japoni 1,710 orë. Në Gjermani, rreth 5% e punonjësve thanë se ata punonin në “orë mjaft të gjata” krahasuar me mesataren e vendeve të OECD me 13%, siç rezulton në një raport të OECD. Ndërkohë që ndryshimi mund të shpjegohet kryesisht nga sjelljet kulturore dhe faktorë të tjerë socialë, mund të ndikohet edhe nga politika. Koreja e Jugut, ku punonjësit punojnë më shumë se 2000 orë në vit, bëri bujë vitin e kaluar me lajmin kur Asambleja Kombëtare votoi reduktimin e numrit maksimal të orëve të punës në javë nga 68 në 52 orë.


Reader's opinions

Leave a Reply

Your email address will not be published. Required fields are marked *



Current track

Title

Artist

Background