Korea e Jugut prezanton “burgun antistres” me pagese!

Ne Korene e Jugut qytetaret kane krijuar nje “burg artificial” per t’u çliruar nga stresi. Rregullat jane precize: pa telefon, pa ore dore, pa marredhenie me te tjeret. Komunikimi eshte i ndaluar. Te gjitheve u jepen nje pale tuta blu, nje tapet per Yoga, nje ibrik me çaj, nje stilolaps dhe nje bllok shenimesh. Flihet ne toke. Ne qeli gjendet nje banjo e vogel, por pa pasqyre. Menuja e ngrenies perfshin patate te embla ne avull ne dreke, banane te shtrydhur ne darke, ndersa per vaktin e mengjesit, kupa orizi.Nese normalisht burgu i vertete eshte vendi nga i cili deshirohet ethshem dalja prej tij, ne “burgun artificial” hyhet vullnetarisht per t’i shpetuar stresit. I krijuar ne 2013-en me emrin “burgu brenda meje”, ne zonen e Hongcheo, ka pritur deri tani rreth 2.000 persona: studente dhe punetore, te cilet kerkojne nje lehtesim ne jeten e tyre te perditshme.