Hapet zyra për shqiptarët në Turqi, nisin aplikimet e para për pasaporta!

Ka nisur dje shërbimi për pajisjen me pasaportë dhe kartë identiteti të qytetarëve rezidentë shqiptarë në Turqi. Ministria për Evropën dhe Punët e Jashtme u bën thirrje të gjithë qytetarëve që të bëjnë aplikimet e tyre përmes portalit qeveritar e-albania dhe të ndjekin udhëzimet që duhen. Një nismë e tillë vjen pak ditë pas takimit të shumëpërfolur Rama-Erdogan në Stamboll, ku ndër të tjerash parashikohen edhe investime në fushën e turizmit, ndërtimi i spitalit rajonal në Fier si dhe ndërtimi i Universiteti Teknologjik të Stambollit.