Gati projekti – energji permes ujit te detit!

Ekspertët e Agjencisë Kombëtare të Burimeve Natyrore të kryesuar nga Drejtori Ekzekutiv Adrian Bylyku, zhvilluan në Izola të Sllovenisë, një takim pune me homologët e huaj, për nxitjen e përhapjes së teknologjive të ngrohjes dhe ftohjes duke përdorur ujin e detit në rajonin Adriatik-Jon, e cila ka për qëllim përdorimin e energjisë së ujit të detit si alternative e përdorimit të burimeve të rinovueshme. Takimi u hap nga përfaqësuesit e rajonit të Izolës të cilët vlerësuan punën e bërë deri tani dhe prezantuan risitë e kësaj nisme dhe mundësitë e implementimit te energjisë së ujit të detit, në rajonin e detit Adriatik. Në këtë takim, moren pjesë ekspertë të vendeve partnere nga Italia, Slovenia, Kroacia dhe Greqia.