Dita Botërore e Shtypit, ja cfarë vendi zë Shqipëria!

Shqipëria ka zbritur me 7 vende, duke u renditur e 82-ta nga 180 shtete të marra në konsideratë, në raportin e fundit të përvitshëm të organizatës “Reporterët pa kufij” sa i përket lirisë së shtypit. E përfshirë në këtë renditje që prej vitit 2013, vit pas viti renditja është përmirësuar deri vitin e kaluar kur mbërritëm të ngjiteshim në vendin e 75-të, për të rënë tashmë sërish në situatën e viteve 2015-2016. Raporti vjen në Ditën Botërore të Shtypit, që shënohet çdo vit më 3 maj. Raporti i fundit i organizatës “Reporterët pa kufij” thotë se liria e shtypit në botë ra gjatë në 12 muajt e fundit, pjesërisht si rezultat i politikave agresive ndaj gazetarëve.