Danimarka, masa të reja për divorcet!
Written by rt on 23/07/2019
Danimarka është një prej vendeve me shkallën më të lartë të divorceve në Europë. Deri vonë, danezët mund të divorcoheshin duke plotësuar një formular të thjeshtë në internet. Me paketën e re legjislative që hyri në fuqi në prill, çifteve që vendosin të ndahen, do t’iu duhet të presin tre muaj dhe t’i nënshtrohen këshillimit përpara se martesa e tyre të marrë fund. Iniciativa që në ndonjë vend tjetër mund të shihej si ndërhyrje e padëshiruar shtetërore në jetën private të qytetarëve, është përshëndetur gjerësisht nga publiku dhe politikanët në Danimarkë.