Besmir Meçi, sipërmarrësi shqiptar që u gjen punë shqiptarëve në Frankfurt

I ftuar sot në mëngjes në “Boeing 104.6” në Premium Channel dhe Radio Travel ishte Besmir Meçi, një djalë nga Elbasani që jeton dhe punon në Frankfurt prej 3 vitesh. Ai merret me ndërtime dhe mirëmbatje banesash dhe këtë punë e ka bërë për tre vitet e fundit, duke u gjetur punë të gjithë shqiptarëve që duan të punojnë në Gjermani. Ai u gjen shtëpi dhe i ndihmon të orientohen në tregun e punës. Besmiri shërben si ndërmjetës midis kompanive gjermane dhe krahut të punës që kuptohet është më i liri në të zezë. Sipas miqve, ai nuk ndalet duke ndihmuar të tjerët, gjë që sipas tyre e bën të ndihet mirë.