Arben Kllokoqi: Jeta në Austri është ajo që kam dashur gjithmonë për familjen!

Arben Kllokoqi është një 41 vjeçar i lindur në Prishtinë, i cili që prej vitit 2017 jeton në Vienë. Fillimisht ai përfundoi studimet në universitetin e Prishtinës për ekonomi e më pas  vendosi të shihte Londrën si një vend ku të niste pjesën profesionale. Aktualisht ai punon për Sekretariatin e Komunitetit të  Energjisë si Ekspert i tregut të energjisë në Austri. Karriera e tij profesionale ka ardhur duke u ngritur, duke konsideruar pozicionet që ka ndryshuar deri tek ky i fundit. Për Arbenin, Londra është një qytet që mund te jetosh sa je pa familjen , e më pas Austria është perfekte për të ndërtuar një familje të shëndetshme që të mos i mungojë asgjë.